Kirikiño Ikastolak badauka bere kantua. "Zeugaz bat" du izena eta pasaden astean bideoklipa grabatu genuen ikastolan ikasle, langile eta familiekin batera.
Honen emaitza urtarrilean izatea espero dugu. Ikusiko duzue!
Eskerrik asko denok egin zenuten lanagatik eta proiektu honetan parte hartzeagatik!
Atzo, abenduaren 15ean, 2023ko EITB Maratoia ospatu zen. Aurtengo edizioak kirol erronka handia izan du: etenik gabeko 16 orduko lasterketa solidarioa, Xabier Salillas atletaren eskutik. Gure Batxiko ikasleak eta Kiriki bertan izan ziren ere eguerdian maratoi solidario horretan parte hartzen.
EKOS Gizarte Ekonomiaren lehenengo Sormen Jaialdia da. Honen helburua gizarte-ekonomiaren balioak zabaltzea da sormen-piezen bitartez.
Inklusioa, jasangarritasuna, Gizarte-esentzia, tokiko garapena, berdintasuna eta gizarte-ekintzailetza dira EKOSen parte hartzeko inspirazio-iturri gisa erabili ahal izan diren gaiak.
Abenduaren 3an EUSKARAREN EGUNA ospatu genuen Txerokiak musika elkartearekin batera.
Hemen dituzue egun horretako argazkiak:
Ikastolen Elkarteak 27. JARDUNALDI PEDAGOKIKOAK antolatu ditu azaroak 16 eta 17rako.
Amaia Anterok, Amaia Artolazabalek, Esther Garaialdek eta Zigor Ibarzabalek "Bazatoz?" liburua idatzi dute, prozesu zabal eta parte-hartzaile batetatik abiatuz, eta bertan ikastolen Hezkuntza Marko Orokor berria jaso da.
Pasaden asteartean, urriak 31an, Gau Beltza ospatu genuen ikastolan.
Egun osoan zehar ikastolan hainbat ekintza egin ziren, bai ikasleekin, bai familiekin.
Hemen daude ateratako argazki guztiak:
Azaroaren 4an euskalgintzak deitutako MANIFESTAZIOA egingo da Bilbon, 17:00etan Euskaldunatik abiatuta. Manifestazioa euskararen normalizazioaren kontrako oldarraldiaren testuinguruan kokatzen da. Izan ere, azkenaldian auzitegietatik areagotu egin dira euskararen sustapen eta normalizazioa helburu duten hainbat neurriren aurkako sententziak.
Urriaren 2an ikastolaz kanpoko ekintzak hasiko dira. Antolakuntza egokia izan daiten, jarraian agertzen dira eman beharreko pausuak.
EGUERDIKO KANPO JARDUEREN ANTOLAKETA
HH4, 5 eta LH1, 2ko ikasleek dagokien jantokiko patioan itxarongo diete ekintzetako monitoreei eta haiek batuko dituzte.
LH3tik gorako ikasleak aldiz, ondorengo taulan agertzen den tokira joan beharko dira haien ordua denean. (Lehenengo astean ekintzetako irakasleak pasarela aurrean itxarongo dituzte).
Labayru Fundazioa eta Bilboko Udala Bilbon ikastolek eman zituzten lehen pausuak aztertzen ibili dira. Lan horren ondorioa da "Ikastolak Loran Mila Koloretan: Ikastolen sorrera Bilbon" liburua eta baita bideoa ere. Orduko gurasoen eta andereñoen ekina eta konpromisoa goratu nahi izan dute lan honetan eta gertakari guztiak hauen testigantzen bitartez kontatzen dizkigute.
Euskalgintzaren Kontseiluak sinadura kanpaina bat abiatu du Hezkuntzak euskara gehiago behar du leloaren pean, eta Eusko Legebiltzarrean eztabaidaren azken fasean sartu den Hezkuntza Legeari begira. Kanpaina hau Gasteizen egindako ekitaldi batekin abiatu zen, eta urriaren 15a bitarte luzatuko da.
Ikastolen Elkartearen Artezkaritza Kontseiluak, bere azkeneko bileran, kanpaina honekin bat egitea erabaki zuen.