![ASTEA](/sites/default/files/styles/wide/public/albisteak/2023-05/unnamed.png?itok=2QhcdRCg)
Ikastolaren astea bertan daukagu eta horrekin batera ekintza ezberdinak izango ditugu. Jarraian ekintzen zehaztasunak dituzue, gorde zuen agendetan eta etor zaitezte!
MAIATZAK 29 - BATZAR OROKORRA
Batzar orokorrean kooperatibisten parte-hartzea bereziki beharrezkoa da aurten. Izan ere, artezkaritza-kontseiluko 6 kide berriztatu behar ditugu eta zuen hautagaitza aurkezteko interesatuta zaudetenok formulario honen bidez oraindik egin dezakezue. Bestalde, bilerara etortzerik ez baduzue, gogoratu ordezkaritza-orria bete ahal izango duzuela zuen iritzia beste bazkide batek ordezka dezan (kooperatibista bakoitzak bi ordezkaritza ekar ditzake gehienez).
EKAINAK 2
17:30 Euskal dantzen kalejira
Ikastolako kiroldegiko sarreran hasiko gara eta handik plazaz plaza joango gara (Garaizar, Familia plaza eta Artazuriña) eta bukaera emateko ikastolako Gabriel Arestiko patioan amaituko dugu ibilbidea, umeek zein nagusiek elkarrekin dantzatzen.
19:00 Kuadrilen arteko herri kirolak
Ikastolako komunitatea osatzen dugunon arteko topaketa bat antolatu dugu. Jarraian dituzue jarraibideak:
- Talde bakoitzeko gutxienez 8 partaide (4 mutil + 4 neska)
- 16 urtetik gorako ikasle/guraso/langile
- 5 disziplina:
- Lokotx biltzea
- Ingude jasotzea
- Txinga erutea
- Zaku eramatea
- Sokatira
- Izen ematea: euskarazbizi-batzordea@
kirikino.eus
EKAINAK 3 - IKASTOLAKO JAIALDIA
![JAIALDIA](/sites/default/files/styles/large/public/2023-05/EKAINAK%203.jpg?itok=2I4W6vXm)
Ikusten duzuenez aurten ere ikastolako jaialdiko egunerako paella txapelketa antolatu dugu. Ikastolan bazkaltzeko bi aukera egongo dira eta parte hartzera animatu nahi zaituztegu:
- Kuadrilan paella egin eta hori bazkaldu: lagun talde bakoitzak paella egingo du, baita umeek ere. Mahaiak eta aulkiak ikastolak eskainiko ditu, 2€ ordaindu beharko direlarik pertsonako, lagun-taldeka antolatuko dira. Paella txapelketako oinarriak izen-ematearekin batera kontsultatu ahal dituzue.
- Etxetik bazkaria ekarri: norberak bere etxetik bazkaria ekartzeko aukera ere egongo da. Mahaiak eta aulkiak ikastolak eskainiko ditu, 2€ ordaindu beharko direlarik pertsonako.
![oinarrial](/sites/default/files/styles/ertaina_992/public/2023-06/PAELLA%20lehiaketaren%20oinarriak%20%20bases.png?itok=iARPiR09)
Aurreko edozein modalitatean ikastolara bazkaltzera etorriko zaretenok izena eman beharko duzue maiatzak 31rako. Hemen klik egin eta bete interesatzen zaizuen aukera. Kuadrilan txapelketan parte hartuko baduzue adostu zuen artean izena eta galdetegian adierazi, modu horretan mahaien antolaketa lagun-taldeka gauzatu ahal izango dugu.
Ikastolako jaia ikastola osatzen dugun guztiontzat da familia, langile, ikasle ohi,... ahalik eta parte-hartze zabalena lortzea nahiko genuke.
EKAINAK 5-8: ESKOLAZ KANPOKOEN ATE IREKIAK
Azkenik, eskolaz kanpoko ate irekiak antolatu ditugula gogorarazten dizuegu; bihar da izena emateko azken eguna. Esteka honetan klikatuz interesa duzuen ekintzetan izena emateko garaiz zaudete.
![ate irekiak](/sites/default/files/styles/handia_1440/public/2023-06/ATE%20IREKIAK%202023.png?itok=jQaeuQ-C)
Zuen parte-hartzea eskertzen dugu!