Gure Ikastolak urrats garrantzitsua egin du ingelesaren ikaskuntzan: hemendik aurrera, Oxford Test of English azterketen egoitza ofiziala izango gara. Honek aukera paregabea eskaintzen die gure ikasleei: ingeles mailaren ziurtagiri ofiziala eskuratu ahal izango dute, hemen bertan, ikastolan.
Apirilaren 2an, azterketa honen inguruko online bilera informatiboa antolatu genuen. Bertan, Oxfordeko azterketaren ezaugarri nagusiak azaldu ziren:
- Nazioarteko aitorpena: Azterketa hau Europako Erreferentzia Marko Bateratuan oinarrituta dago, eta mundo osoko ikastetxe, unibertsitate eta enpresek aitortzen dute.
- Online eta moldakorra: Azterketa ordenagailuz egiten da, eta galderak ikasleen erantzunen arabera egokitzen dira, benetako maila neurtzeko.
- Emaitza zehatz eta arinak: A2, B1, B2 edo C1 maila ziurtatzeko aukera ematen du, eta emaitzak beste azterketa batzuekin alderatuta lehenago jasotzen dira.
- Trebetasun guztiak neurtzen ditu: entzumena, irakurmena, idazmena eta ahozkoa.
2025eko azterketa-deialdia
Aurtengo azterketa-deialdia ekainaren 12an izango da, 17:00etan, Ikastolako nagusien eraikinean. Parte-hartzaile kopuru handia izanez gero, bigarren saioko ekainaren 11n antolatuko litzateke.
Azterketa hau LH6tik gorako ikasleei zuzenduta dago, eta gomendagarria da gutxienez A2 maila izatea parte hartzeko.
Izen-ematea eta informazioa
Izen-ematearen eta informazioaren inguruko xehetasunak ikastolako idazkaritzan edo posta elektronikoaren bidez eskura daitezke.
