Euskara, zoriona eta auzolana gure ikastolaren ikur garrantzitsuak dira. Maiatzaren 8an, igandean, Auzolan egun berezi bat ospatu genuen, ezaugarri horiek biltzen zituena.
Kirikiñoko familiak ikastolako funtsezko partaideak gara eta elkarrekin gure ikastolako sarreraren hormak margozten aritu ginen.
Txikienentzat jolasak eta dantzak prestatu ziren, baina haiek ere ikastola margozten lagundu nahi izan zuten. Ikastola guztion artean zaintzen dugulako. Ikastola guztion artean egiten dugulako.
Behin lana amaituta, Euskaraz Bizi txokoan atsedena hartu genuen.
Ederto pasa genuen!
