Kirikilekuak bi txandatan antolatzen dira. Lehenengo txanda apirilaren 11tik 13ra izango da eta bigarrena apirilaren 19tik 22ra. Gurasoek haurren izenak eman ditzakete Kirikilekuetara joateko, bai aste baterako, bai bietarako, edota baita egun solteetarako ere, familia bakoitzaren beharren eta nahien arabera.
Zuen seme-alabek jarduera dibertigarri eta ludiko ugariz beteriko aste santuaz gozatuko dute ingurune euskaldun, ezagun eta seguru batean.
Haurrak adin-tarteen arabera sailkatuta egongo dira, eta etapa bakoitzari egokitutako programazioa eskainiko diegu, ikastolako begirale taldeak gidatuta.
Izena emateko epea martxoaren 11ra izango da. Gogoratu beharrezkoa dela izena aldez aurretik ematea, plazak mugatuak baitira.
