Slogan

Hezkuntza eredu inklusiboa dugu, errespetuzkoa, irekia eta anitza, non ez dagoen inolako diskriminazio formarik. Irakaskuntza-kooperatiba gara eta, horregatik, gurasoen, guraso euskaldun edo euskaltzaleen, parte hartze arduratsua lortu nahi dugu haien seme-alaben hezkuntza proiektuan.

Euskara da Kirikiño Ikastolako hezkuntza-ereduaren ardatza eta protagonista –batua eta bizkaiera-, humanismo kristauaren eta euskal kulturaren baloreetan oinarritutako hezkuntza-eredua.

Hezkuntza-prozesuetako partaide guztien etengabeko prestakuntza eta hezkuntza-komunitate osoaren partaidetza erantzunkidea dira Ikastolaren baliabideen erabilera egokiaren eta pertsonen lanaren emaitza arrakastatsuaren gakoa.

Gure ikasleen hezkuntza integrala eta arrakasta akademiko eta pertsonala lortzeko funtsezkoa da Kirikiño Ikastola osatzen dugun kolektibo guztien artean hartu-eman irekia eta etengabea izan dadin. Horrela, ikastola hurbila, adikorra eta koherentea izan gaitezke, kalitatearen eta errespontsabilitatearen ikuspegitik orientatzen eta formatzen, hezten duena; Bilbo eta Bizkaian erreferente.

Kirikiño minutu batean
Intranet
Berriak
Bolsa de trabajo
X Web gune honek bere eta hirugarrenen cookieak darabiltza, nabigazioa hobetzeko, zure hobespenetara egokitzeko eta zeregin analitikoak egiteko. Nabigatzen jarraituz gero, gure cookieen politika onartuko duzu. | ONARTU